Vegane i fjellet er opna!

Hafslund melder at anleggsvegane i fjellet er opne. Dette er altså vegen inn til Stora Vargevatn, Katlamagasinet og Langavatnet.

Vegen inn til Nyhellermagasinet er også open. Hafslund Kraft gjennomfører anleggsarbeid på Nyhellerdammen i åra 2024 tom. 2026. Tilkomstvegen frå Vetlebotn til Nyheller vil bli stengd med bom like etter avkøyringa frå FV50. I perioden juli-september vil det ved kjøp av fiskekort bli gitt informasjon om opning av bommen, kontakt fjellstyrekontoret.

Det må likevel påreknast at vegen lokalt forbi anleggsområdet kan bli stengt på kort varsel, på inntil ein time.

Anleggsområdet inkl. sikkerheitssone i magasin er stengt for allmenn ferdsel og fiske med stang/garn. Sjå kart over anleggsområdet.

Området er markert med raud stipla linje på informasjonsskilt satt opp ved bom. Båtutsettingsplass er på same stad som tidlegare.

Turstien opp mot Grønebotn er open for ferdsel, men vil i kortare periodar med sprengingsarbeid bli avsperra.